ހުރަވީ ދުވަހަކީ ފާތިޙުންގެ ފަތަޙައާއި މުޖާހިދުންގެ ޖިހާދުގެ ހަނދާން އާކުރެވޭ ދުވަހެކެވެ. މި ދުވަސް ފާހަގަކުރަނީ މަލާބާރީން (ހޮޅީން)ގެ އަޅުވެތިކަމުން ދިވެހިރާއްޖެ މިނިވަންވި ދުވަހުގެ ގޮތުގައެވެ. މި ކަން ހިނގީ 1166 ވަނަ އަހަރުގެ ޖުމާދަލްއާޚިރު މަހުގެ 3 ގައެވެ. ހުރަވީ ދުވަހުގެ ބަޠަލަކީ އައްސުލްޠާނުލް ޣާޒީ ޙަސަން ޢިއްޒުއްދީން (ދޮންބަންޑާރައިން)އެވެ.
ހުރަވީ ދުވަސް ރާއްޖޭގައި ފުރަތަމަ ފަހަރަށް ފާހަގަކުރީ 3 ޖުމާދަލްއާޚިރު 1400 ގައެވެ. މި އަހަރު މި ފާހަގަކުރެވެނީ 44ވަނަ ހުރަވީ ދުވަހެވެ.