“އިޤްރާ އައި.ޔޫއެމް ހައިބްރިޑް ފޮތް މައުރަޒު ގެ ނަމުގައި އައި. ޔޫ. އެމް އާއި ދިވެހިބަހުގެ އެކެޑަމީން ގުޅިގެން ބާއްވާ މި މައުރަޒުގައި ދިވެހިބަހުގެ އެކެޑަމީގެ ފޮތް ފިހާރައިން ލިބެން ހުންނަ ކުޑަކުދީންނާ ގުޅޭ ފޮތްތަކާއި، ތާރީޚީ ފޮތްތަކާއި، ބަހާއި އަދަބިއްޔާތުގެ ފޮތްތަކާއި ވާހަކައާއި ނާވިލު ލިބެން ހުންނާއެވެ. މި ފޮތްތަކުގެ ތެރޭގައި “ދިވެހިބަހުގެ ގަވައިދު 1،2،3،4″އާއި “ބަހުގެ ހަމައިގެ އަތްމަތީ ފޮތް”، “ފަހުބަސް”، “ޖަމީލުގެ ޑްރާމާތައް”، ހިމެނެއެވެ. މީގެ އިތުރުން ދިވެހިރާއްޖޭގެ ރަސްރަސްކަލުންނާ ރަނިރަނިކަނބަލުންގެ ގިނަ މައުލޫމާތުތަކެއް ހިމެނޭ “ދިވެހިރާއްޖޭ ރަހުންނާއި ރަނިން” ދިވެހި ބަހުންނާއި އިނގިރޭސިބަހުން ލިބެން ހުންނާނެއެވެ.
މި މައުރަޒުގައި ފޮތް ގަންނަން ލިބެން ހުންނާނީ ދިވެހިބަހުގެ އެކެޑަމީން އާންމުކޮށް ފޮތް ވިއްކާ އަގުތަކަށް ވުރެ ހެޔޮ އަގެއްގައެވެ. މި ފޮތް މައުރަޒު ކުރިއަށްދާނީ 2024 ނޮވެންބަރު މަހުގެ 13އިން 16އަށް ހެނދުނު 9:00ން ހަވީރު 12:00ށް، މެންދުރުފަހު 14:00ން 18:00ށް އަދި ރޭގަނޑު 20:00ން 22:00 ދިވެހިރައްޖޭގެ އިސްލާމީ ޔުނިވަރސިޓީގައެވެ.
